Неделя пред Рождеством Христовым, свв. отец: Литургия


Неделя пред Рождеством Xристовым, святых отец

Главная Праздники Неделя пред Рождеством Xристовым, святых отец

Вечерня УтреняЛитургия

Блаженна гласа, на 4: и отцев от канона песнь 3, на 4: и предпразднства песнь 6, на 4.

Во Царствии Твоем помяни нас, Господи, егда приидеши во Царствии Твоем.

Блажени нищии духом, яко тех есть Царство Небесное.

Древом Адам рая бысть изселен: Древом же крестным разбойник в рай вселися. Ов убо вкуш, заповедь отверже Сотворшаго: ов же сраспинаемь, Бога исповеда таящагося, помяни мя, вопия, во Царствии Твоем.

Блажени плачущии, яко тии утешатся.

Вознесыйся на Крест, смертную разрушивый силу, и загладивый яко Бог еже на ны рукописание Господи, разбойниче покаяние и нам подаждь едине Человеколюбче, верою служащим, Христе Боже наш, и вопиющим Ти: помяни и нас во Царствии Твоем.

Блажени кротции, яко тии наследят землю.

Рукописание наше на Кресте копием раздрал еси, и вменився в мертвых, тамошняго мучителя связал еси, избавивый всех от уз адовых Воскресением Твоим, имже просветихомся Человеколюбче Господи, и вопием Ти: помяни и нас во Царствии Твоем.

Блажени алчущии и жаждущии правды, яко тии насытятся.

Распныйся и воскресый яко силен из гроба тридневен, и первозданнаго Адама воскресивый едине Безсмертне: и мене на покаяние обратитися Господи, сподоби от всего сердца моего, и теплою верою присно взывати Ти: помяни мя Спасе во Царствии Твоем.

Блажени милостивии, яко тии помиловани будут.

Юже по образу славу, и по подобию Божию верно соблюдающе, златаго образа пламень огнем духовным страдальчески угасиша отроцы, поюще: единаго Господа знаем.

Блажени чистии сердцем, яко тии Бога узрят.

Мудростию обложени и Духа силою отроцы, мудрецы Вавилонския пленении посрамиша, и дерзостне взываху: несть свят разве Тебе, Господи, Человеколюбче.

Блажени миротворцы, яко тии сынове Божии нарекутся.

Радуется и сликовствует с детьми и пророки закон, и предыграет Господню Божественному пришествию днесь, и Авраам радуется, яко от семене его виде Господа воплощаема.

Блажени изгнани правды ради, яко тех есть Царство Небесное.

Зачатие без страсти, приятие паче слова пройде, Рождества Твоего Богородице: пророки бо проповеданное паче естества таинство, нам явися Слово Божие, Сый Бог.

Блажени есте, егда поносят вам, и изженут, и рекут всяк зол глагол на вы лжуще Мене ради.

Новое небо сущи, Владычице, из утробы Твоея яко из облака Христа, славы Солнца, возсияти грядеши в вертепе плотию: яко хотяща сияньми Своими, светло вся земная исполнения озарити за милосердие безмерное.

Радуйтеся и веселитеся, яко мзда ваша многа на небесех.

Новое небо сущи:

Слава: Видел еси нашу болезнь и озлобление, щедрый Христе, и не презрил еси нас, но истощил еси Тебе Самаго, не отступив Родителя, и вселился еси во утробу неискусобрачную, яже неболезненно родити Тя плотию в вертепе предгрядет.

И ныне, Богородичен: Горы и холми, и поля и дебри, людие и колена, языцы и всякое дыхание воскликните, веселия божественнаго исполняеми: прииде и приспе всех избавление Слово Божие безлетное, под летом за милосердие бывшее.

Светлую Воскресения проповедь, от ангела уведевша Господни ученицы, и прадеднее осуждение отвергша, апостолом хвалящася глаголаху: испровержеся смерть, воскресе Христос Бог, даруяй мирови велию милость.

Велия веры исправления, во источнице пламене яко на воде упокоения, святии трие отроцы радовахуся: и пророк Даниил львом пастырь яко овцам являшеся. Тех молитвами, Христе Боже, спаси души наша.

Готовися Вифлееме, отверзися всем Едеме, красуйся Евфрафо, яко древо живота в вертепе процвете от Девы: рай бо Оноя чрево явися мысленный, в немже Божественный сад: от негоже ядше живи будем, не якоже Адам умрем. Христос раждается прежде падший возставити образ.

Рукописаннаго образа не почетше, но неописанным существом защитившеся, треблаженнии, в подвизе огня прославистеся: среде же пламене нестерпимаго стояще, Бога призвасте: ускори, о Щедрый! и потщися яко милостив в помощь нашу, яко можеши хотяй.

Веселися, Вифлееме, Евфрафо готовися: се бо Агница Пастыря великаго во утробе носящи, еже родити тщится. Егоже зрящи богоноснии отцы веселятся, с пастырьми поюще Деву доящую.

Прокимен, глас 4. Песнь отцев: Благословен еси, Господи Боже отец наших, и хвально и прославлено имя Твое во веки. Стих: Яко праведен еси о всех, яже сотворил еси нам.

Братие, верою прииде Авраам на землю обетования, якоже на чужду, в кровы вселися, со Исааком и Иаковом, снаследникома обетования тогожде.	Братья, верою обитал Авраам на земле обетованной, как на чужой, и жил в шатрах с Исааком и Иаковом, сонаследниками того же обетования;
Ждаше бо основания имущаго града, емуже художник и содетель Бог.	ибо он ожидал города, имеющего основание, которого художник и строитель Бог.
Верою приведе Авраам Исаака, искушаемь: и единороднаго приношаше, обетования приемый.	Верою Авраам, будучи искушаем, принес в жертву Исаака и, имея обетование, принес единородного,
К немуже глаголано бысть: яко о Исааце наречет ти ся семя.	о котором было сказано: в Исааке наречется тебе семя.
Помыслив, яко и из мертвых воскресити силен есть Бог: темже того и в притчи прият.	Ибо он думал, что Бог силен и из мертвых воскресить, почему и получил его в предзнаменование.
Верою о грядущих благослови Исаак Иакова, и Исава.	Верою в будущее Исаак благословил Иакова и Исава.
Верою, Иаков умирая, коегождо сына Иосифова благослови, и поклонися на верх жезла его.	Верою Иаков, умирая, благословил каждого сына Иосифова и поклонился на верх жезла своего.
Верою, Иосиф умирая, о исхождении сынов Израилевых памятствова, и о костех своих заповеда.	Верою Иосиф, при кончине, напоминал об исходе сынов Израилевых и завещал о костях своих.
Верою Моисей родився, сокровен бысть три месяцы от отец своих: зане видеша красно отроча, и не убояшася повеления царева.	Верою Моисей по рождении три месяца скрываем был родителями своими, ибо видели они, что дитя прекрасно, и не устрашились царского повеления.
И что еще глаголю? Не достанет бо ми повествующу лета, о Гедеоне, Вараце же и Сампсоне, и Иеффаи: о Давиде же, и Самуиле, и о [других] пророцех:	И что еще скажу? Недостанет мне времени, чтобы повествовать о Гедеоне, о Вараке, о Самсоне и Иеффае, о Давиде, Самуиле и (других) пророках,
иже верою победиша царствия, содеяша правду, получиша обетования, заградиша уста львов:	которые верою побеждали царства, творили правду, получали обетования, заграждали уста львов,
угасиша силу огненную, избегоша острея меча, возмогоша от немощи, быша крепцы во бранех, обратиша в бегство полки чужих.	угашали силу огня, избегали острия меча, укреплялись от немощи, были крепки на войне, прогоняли полки чужих;
Прияша жены от воскресения мертвыя своя: инии же избиени быша, не приемше избавления, да лучшее воскресение улучат:	жены получали умерших своих воскресшими; иные же замучены были, не приняв освобождения, дабы получить лучшее воскресение;
друзии же руганием и ранами искушение прияша, еще же и уз и темниц.	другие испытали поругания и побои, а также узы и темницу,
Камением побиени быша, претрени быша, искушени быша, убийством меча умроша: проидоша в милотех, и в козиях кожах, лишени, скорбяще, озлоблени:	были побиваемы камнями, перепиливаемы, подвергаемы пытке, умирали от меча, скитались в милотях и козьих кожах, терпя недостатки, скорби, озлобления;
ихже не бе достоин [весь] мир, в пустынях скитающеся, и в горах, и в вертепах, и в пропастех земных.	те, которых весь мир не был достоин, скитались по пустыням и горам, по пещерам и ущельям земли.
И сии вси послушествовани бывше верою, не прияша обетования:	И все сии, свидетельствованные в вере, не получили обещанного,
Богу лучшее что о нас предзревшу, да не без нас совершенство приимут.	потому что Бог предусмотрел о нас нечто лучшее, дабы они не без нас достигли совершенства.

Аллилуиа, глас 4. Стих: Боже, ушима нашима услышахом, и отцы наши возвестиша нам. Стих: Спасл еси нас от стужающих нам.

Книга родства Иисуса Христа, Сына Давидова, Сына Авраамля.	Родословие Иисуса Христа, Сына Давидова, Сына Авраамова.
Авраам роди Исаака. Исаак же роди Иакова. Иаков же роди Иуду, и братию его.	Авраам родил Исаака; Исаак родил Иакова; Иаков родил Иуду и братьев его;
Иуда же роди Фареса и Зару от Фамары. Фарес же роди Есрома. Есром же роди Арама.	Иуда родил Фареса и Зару от Фамари; Фарес родил Есрома; Есром родил Арама;
Арам же роди Аминадава. Аминадав же роди Наассона. Наассон же роди Салмона.	Арам родил Аминадава; Аминадав родил Наассона; Наассон родил Салмона;
Салмон же роди Вооза от Рахавы. Вооз же роди Овида от Руфы. Овид же роди Иессеа.	Салмон родил Вооза от Рахавы; Вооз родил Овида от Руфи; Овид родил Иессея;
Иессей же роди Давида царя. Давид же царь роди Соломона от Уриины.	Иессей родил Давида царя; Давид царь родил Соломона от бывшей за Уриею;
Соломон же роди Ровоама. Ровоам же роди Авиа. Авиа же роди Аса.	Соломон родил Ровоама; Ровоам родил Авию; Авия родил Асу;
Аса же роди Иосафата. Иосафат же роди Иорама. Иорам же роди Озию.	Аса родил Иосафата; Иосафат родил Иорама; Иорам родил Озию;
Озиа же роди Иоафама. Иоафам же роди Ахаза. Ахаз же роди Езекию.	Озия родил Иоафама; Иоафам родил Ахаза; Ахаз родил Езекию;
Езекиа же роди Манассию. Манассиа же роди Амона. Амон же роди Иосию.	Езекия родил Манассию; Манассия родил Амона; Амон родил Иосию;
Иосиа же роди Иехонию, и братию его, в преселение Вавилонское. {В некиих греч.: Иосиа же роди Иоакима и братию его. Иоаким же роди Иехонию в преселение Вавилонское.}	Иосия родил Иоакима; Иоаким родил Иехонию и братьев его, перед переселением в Вавилон.
По преселении же Вавилонстем, Иехониа роди Салафииля. Салафииль же роди Зоровавеля.	По переселении же в Вавилон, Иехония родил Салафииля; Салафииль родил Зоровавеля;
Зоровавель же роди Авиуда. Авиуд же роди Елиакима. Елиаким же роди Азора.	Зоровавель родил Авиуда; Авиуд родил Елиакима; Елиаким родил Азора;
Азор же роди Садока. Садок же роди Ахима. Ахим же роди Елиуда.	Азор родил Садока; Садок родил Ахима; Ахим родил Елиуда;
Елиуд же роди Елеазара. Елеазар же роди Матфана. Матфан же роди Иакова.	Елиуд родил Елеазара; Елеазар родил Матфана; Матфан родил Иакова;
Иаков же роди Иосифа, мужа Мариина, из Неяже родися Иисус, глаголемый Христос.	Иаков родил Иосифа, мужа Марии, от Которой родился Иисус, называемый Христос.
Всех же родов от Авраама до Давида, родове четыренадесяте, и от Давида до преселения Вавилонскаго, родове четыренадесяте, и от преселения Вавилонскаго до Христа, родове четыренадесяте.	Итак всех родов от Авраама до Давида четырнадцать родов; и от Давида до переселения в Вавилон четырнадцать родов; и от переселения в Вавилон до Христа четырнадцать родов.
Иисус Христово Рождество сице бе: обрученней убо бывши Матери Его Марии Иосифови, прежде даже не снитися има, обретеся имущи во чреве от Духа Свята.	Рождество Иисуса Христа было так: по обручении Матери Его Марии с Иосифом, прежде нежели сочетались они, оказалось, что Она имеет во чреве от Духа Святаго.
Иосиф же муж Ея праведен сый и не хотя Ея обличити, восхоте тай пустити Ю.	Иосиф же муж Ее, будучи праведен и не желая огласить Ее, хотел тайно отпустить Ее.
Сия же ему помыслившу, се Ангел Господень во сне явися ему, глаголя: Иосифе сыне Давидов, не убойся прияти Мариам жены твоея: рождшее бо ся в Ней от Духа есть Свята.	Но когда он помыслил это, — се, Ангел Господень явился ему во сне и сказал: Иосиф, сын Давидов! не бойся принять Марию, жену твою, ибо родившееся в Ней есть от Духа Святаго;
Родит же Сына, и наречеши имя Ему Иисус, Той бо спасет люди Своя от грех их.	родит же Сына, и наречешь Ему имя Иисус, ибо Он спасет людей Своих от грехов их.
Сие же все бысть, да сбудется реченное от Господа пророком, глаголющим:	А все сие произошло, да сбудется реченное Господом через пророка, который говорит:
Се Дева во чреве приимет, и родит Сына, и нарекут имя Ему Еммануил, еже есть сказаемо, с нами Бог.	Се, Дева во чреве приимет и родит Сына, и нарекут имя Ему Еммануил, что значит: с нами Бог.
Востав же Иосиф от сна, сотвори якоже повеле ему Ангел Господень: и прият жену свою,	Встав от сна, Иосиф поступил, как повелел ему Ангел Господень, и принял жену свою,
и не знаяше Ея, дондеже роди Сына Своего первенца, и нарече имя Ему Иисус.	и не знал Ее. Как наконец Она родила Сына Своего первенца, и он нарек Ему имя: Иисус.

Ряд же Недели оставляется.

Причастен: Хвалите Господа с Небес, хвалите Его в вышних. Другий: Радуйтеся праведнии о Господе, правым подобает похвала.

Вечерня УтреняЛитургия