На правах рекламы:

мастер по холодильникам

Скупка хрусталя в Санкт-Петербурге по высоким ценам. Бесплатный выезд эксперта. Оценка по фото.

   

Неделя о мытаре и фарисее


ГлавнаяТриодьНеделя о мытаре и фарисее

ВечерняУтреняЛитургия

Неделя о мытаре и фарисее


На Литургии

блаженна гласа на 4: и Триоди, песнь 6 на 4: и праздника песнь рядовая, на 4.

Во Царствии Твоем помяни нас, Господи, егда приидеши во Царствии Твоем.

Блажени нищии духом, яко тех есть Царство Небесное.

Снедию изведе из рая враг Адама: Крестом же разбойника введе Христос вонь, помяни мя, зовуща, егда приидеши во Царствии Твоем.

Блажени плачущии, яко тии утешатся.

Покланяюся страстем Твоим, славословлю и Воскресение со Адамом и разбойником, со гласом светлым вопию Ти: помяни мя Господи, егда приидеши во Царствии Твоем.

Блажени кротции, яко тии наследят землю.

Распялся еси Безгрешне, и во гробе положился еси волею: но воскресл еси яко Бог, совоздвигнувый Себе Адама, помяни мя, зовуща, егда приидеши во Царствии Твоем.

Блажени алчущии и жаждущии правды, яко тии насытятся.

Храм Твой телесный тридневным воскресивый погребением, со Адамом, и иже от Адама, воскресил еси Христе Боже: помяни нас зовущих, егда приидеши во Царствии Твоем.

Блажени милостивии, яко тии помиловани будут.

Жития поприще мытарь вкупе и фарисей течаста: но ов убо высокоумием содержимь, срамне утону, ов же смирением спасеся.

Блажени чистии сердцем, яко тии Бога узрят.

Жития бедное преминующе мы течение, подражаим мытарево убо мудрование ревнительно: бежим же кичения мерзкаго фарисеа, и живи будем.

Блажени миротворцы, яко тии сынове Божии нарекутся.

Нравом поревнуим Спаса Иисуса, и Его смирению, желающе непрестанное радости селение получити, во стране живущих водворяющеся.

Блажени изгнани правды ради, яко тех есть Царство Небесное.

Показал еси Владыко, Твоим учеником высокотворное смирение, лентием препоясан по чреслом, нозе умыл еси, и сему образу подражати повелел еси.

Блажени есте, егда поносят вам, и изженут, и рекут всяк зол глагол на вы лжуще Мене ради.

Да каплют воду облацы, Солнце бо на облаце легце носимо настало есть, на нетленную руку, Христос в церкви, яко Младенец. Темже вернии возопиим: поим Господеви, славно бо прославися.

Радуйтеся и веселитеся, яко мзда ваша многа на небесех.

Крепитеся руце Симеони старостию ослабленнии, лыста же претружденная старча, правобыстро движитася Христу на сретение, лик со безплотными составльше, поим Господеви, славно бо прославися.

Слава: Разумом простертая небеса веселитеся, и радуйся земле: из пребожественных бо недр хитрец прошед Христос, Материю Девою Богу Отцу приносится Младенец, Иже прежде всех: славно бо прославися.

И ныне: тойже.

По входе тропарь воскресен, глас 1:

Камени запечатану от иудей, и воином стрегущим пречистое тело Твое, воскресл еси тридневный Спасе, даруяй мирови жизнь. Сего ради силы небесныя вопияху Ти, Жизнодавче: слава Воскресению Твоему Христе: слава Царствию Твоему: слава смотрению Твоему, едине Человеколюбче.

И праздника, глас 1:

Радуйся благодатная Богородице Дево, из Тебе бо возсия Солнце правды Христос Бог наш, просвещаяй сущия во тьме: веселися и ты старче праведный, приемый во объятия Свободителя душ наших, дарующаго нам воскресение.

Слава, кондак Триоди. Глас 4.
Подобен: Я
вился еси днесь:

Фарисеева убежим высокоглаголания, и мытареве научимся высоте глагол смиренных, покаянием взывающе: Спасе мира, очисти рабы Твоя.

И ныне, праздника. Глас 1.

Утробу Девичу освятивый рождеством Твоим, и руце Симеони благословивый, якоже подобаше предварив, и ныне спасл еси нас Христе Боже: но умири во бранех жительство, и укрепи верныя люди Твоя, ихже возлюбил еси, Едине Человеколюбче.

Прокимен, апостол, Аллилуиа, Евангелие и причастен дне.

Прокимен, глас 1: Буди, Господи, милость Твоя на нас, якоже уповахом на Тя. Стих: Радуйтеся праведнии о Господе, правым подобает похвала.

Апостол к Тимофею, зачало 296. [2 Тим. 3, 10 – 15.]

Чадо Тимофее, ты последовал еси моему учению, житию, привету, вере, долготерпению, любви, терпению,

Чадо Тимофей, ты последовал мне в учении, житии, расположении, вере, великодушии, любви, терпении,

Изгнанием, страданием, якова ми быша во Антиохии, (и) во Иконии, (и) в Листрех: якова изгнания приях, и от всех мя избавил есть Господь.

В гонениях, страданиях, постигших меня в Антиохии, Иконии, Листрах; каковые гонения я перенес, и от всех избавил меня Господь.

И вси же хотящии благочестно жити о Христе Иисусе, гоними будут:

Да и все, желающие жить благочестиво во Христе Иисусе, будут гонимы.

Лукавии же человецы и чародее преуспеют на горшее, прельщающе и прельщаеми.

Злые же люди и обманщики будут преуспевать во зле, вводя в заблуждение и заблуждаясь.

Ты же пребывай в нихже научен еси и яже вверена суть тебе, ведый, от кого научился еси:

А ты пребывай в том, чему научен и что тебе вверено, зная, кем ты научен.

И яко измлада священная писания умееши, могущая тя умудрити во спасение верою, яже о Христе Иисусе.

Притом же ты из детства знаешь священные писания, которые могут умудрить тебя во спасение верою во Христа Иисуса.

Аллилуиа: Бог даяй отмщение мне, и покоривый люди под мя. Стих: Величаяй спасения царева, и творяй милость христу Своему Давиду, и семени его до века.

Евангелие от Луки, зачало 89. [Лк. 18, 10 – 14.]

Рече Господь притчу сию: человека два внидоста в церковь помолитися: един фарисей, а другий мытарь.

Сказал Господь притчу сию: два человека вошли в храм помолиться: один фарисей, а другой мытарь.

Фарисей же став, сице в себе моляшеся: Боже, хвалу Тебе воздаю, яко несмь якоже прочии человецы, хищницы, неправедницы, прелюбодее, или якоже сей мытарь:

Фарисей, став, молился сам в себе так: Боже! благодарю Тебя, что я не таков, как прочие люди, грабители, обидчики, прелюбодеи, или как этот мытарь:

Пощуся двакраты в субботу, десятину даю всего елико притяжу.

Пощусь два раза в неделю, даю десятую часть из всего, что' приобретаю.

Мытарь же издалеча стоя, не хотяше ни очию возвести на небо: но бияше перси своя, глаголя: Боже, милостив буди мне грешнику.

Мытарь же, стоя вдали, не смел даже поднять глаз на небо; но, ударяя себя в грудь, говорил: Боже! будь милостив ко мне грешнику!

Глаголю вам, яко сниде сей оправдан в дом свой паче онаго: яко всяк возносяйся смирится, смиряяй же себе вознесется.

Сказываю вам, что сей пошел оправданным в дом свой более, нежели тот: ибо всякий, возвышающий сам себя, унижен будет, а унижающий себя возвысится.

Причастен: Хвалите Господа с Небес:

ВечерняУтреняЛитургия