Неделя о мытаре и фарисее


ГлавнаяТриодьНеделя о мытаре и фарисее

ВечерняУтреняЛитургия

Неделя, в нюже чтется священное и святое Евангелие, притчи мытаря и фарисеа


На Литургии

Блаженны Осмогласника: и от канона песнь 6.

Во Царствии Твоем помяни нас, Господи, егда приидеши во Царствии Твоем.

Блажени нищии духом, яко тех есть Царство Небесное.

Блажени плачущии, яко тии утешатся.

Блажени кротции, яко тии наследят землю.

Помяни нас, Христе Спасе мира, якоже разбойника помянул еси на древе: и сподоби всех едине Щедре, Небесному Царствию Твоему.

Блажени алчущии и жаждущии правды, яко тии насытятся.

Слыши Адаме, и радуйся со Евою: яко обнаживый прежде обоя, и прелестию взем вас пленники, Крестом Христовым упразднися.

Блажени милостивии, яко тии помиловани будут.

На Древе пригвожден быв Спасе наш волею, яже от древа клятвы Адама избавил еси, воздая яко Щедр еже по образу, и райское селение.

Блажени чистии сердцем, яко тии Бога узрят.

Днесь Христос воскрес от гроба, всем верным подая нетление, и радость обновляет мироносицам по страсти и Воскресении.

Блажени миротворцы, яко тии сынове Божии нарекутся.

Радуйтеся мудрыя жены мироносицы, первыя Христово Воскресение видевша, и его возвестивша апостолом, всего мира воззвание.

Блажени изгнани правды ради, яко тех есть Царство Небесное.

Друзи Христовы апостоли явльшеся, сопрестольни Его славе быти имуще, со дерзновением Тому нам предстати, яко ученицы Его молитеся.

Блажени есте, егда поносят вам, и изженут, и рекут всяк зол глагол на вы лжуще Мене ради.

Жития поприще мытарь вкупе и фарисей течаста: но ов убо высокоумием содержимь, срамне утону, ов же смирением спасеся.

Радуйтеся и веселитеся, яко мзда ваша многа на небесех.

Жития бедное преминующе мы течение, подражаим мытарево убо мудрование ревнительно: бежим же кичения мерзкаго фарисеа, и живи будем.

Слава: Нравом поревнуим Спаса Иисуса, и Его смирению, желающе непрестанное радости селение получити, во стране живущих водворяющеся.

И ныне: Нага простотою, нехитростною же жизнию создана, преступления лестию одея мя враг, и плоти дебельством: ныне же Твоим ходатайством Отроковице, спасаюся.

Прокимен, глас 8: Помолитеся, и воздадите Господеви Богу нашему. Стих: Ведом во Иудеи Бог, во Израили велие имя Его.

Апостол к Тимофею, зачало 296. [2 Тим. 3, 10—15.]

Чадо Тимофее, последовал еси моему учению, житию, привету, вере, долготерпению, любви, терпению,

Чадо Тимофей, ты последовал мне в учении, житии, расположении, вере, великодушии, любви, терпении,

изгнанием, страданием, якова ми быша во Антиохии, и во Иконии, и в Листрех: якова изгнания приях, и от всех мя избавил есть Господь.

в гонениях, страданиях, постигших меня в Антиохии, Иконии, Листрах; каковые гонения я перенес, и от всех избавил меня Господь.

И вси же хотящии благочестно жити о Христе Иисусе, гоними будут.

Да и все, желающие жить благочестиво во Христе Иисусе, будут гонимы.

Лукавии же человецы, и чародеи преуспеют на горшее, прельщающе и прельщаеми.

Злые же люди и обманщики будут преуспевать во зле, вводя в заблуждение и заблуждаясь.

Ты же пребывай, в нихже научен еси, и яже вверена суть тебе, ведый, от кого научился еси.

А ты пребывай в том, чему научен и что тебе вверено, зная, кем ты научен.

И яко из млада священная писания умееши, могущая тя умудрити во спасение, верою, яже о Христе Иисусе.

Притом же ты из детства знаешь священные писания, которые могут умудрить тебя во спасение верою во Христа Иисуса.

Аллилуиа, глас 8: Приидите, возрадуемся Господеви, воскликнем Богу Спасителю нашему. Стих: Предварим лице Его во исповедании, и во псалмех воскликнем Ему.

Евангелие от Луки, зачало 89. [Лк. 18, 10—14.]

Рече Господь притчу сию: человека два внидоста в церковь помолитися: един фарисей, а другий мытарь.

Сказал Господь притчу сию: два человека вошли в храм помолиться: один фарисей, а другой мытарь.

Фарисей же став сице в себе моляшеся: Боже, хвалу Тебе воздаю, яко несмь якоже прочии человецы, хищницы, неправедницы, прелюбодее, или якоже сей мытарь.

Фарисей, став, молился сам в себе так: Боже! благодарю Тебя, что я не таков, как прочие люди, грабители, обидчики, прелюбодеи, или как этот мытарь:

Пощуся двакраты в субботу, десятину даю всего елико притяжу.

пощусь два раза в неделю, даю десятую часть из всего, что' приобретаю.

Мытарь же издалеча стоя, и не хотяше ни очию возвести на небо, но бияше перси своя, глаголя: Боже, милостив буди мне грешнику.

Мытарь же, стоя вдали, не смел даже поднять глаз на небо; но, ударяя себя в грудь, говорил: Боже! будь милостив ко мне грешнику!

Глаголю вам, яко сниде сей оправдан в дом свой, паче онаго: яко всяк возносяйся, смирится: смиряяй же себе, вознесется.

Сказываю вам, что сей пошел оправданным в дом свой более, нежели тот: ибо всякий, возвышающий сам себя, унижен будет, а унижающий себя возвысится.

Причастен: Хвалите Господа с Небес, хвалите Его в вышних.

Подобает ведати, яко в сей седмице иномудрствующие содержат пост, глаголемый арцивуриев. Мы же, [монаси] на кийждо день [се же, и в среду и пяток:] вкушаем сыр и яица, [в 9 час.] Миряне же ядят мясо, развращающе онех веление толикия ереси.

ВечерняУтреняЛитургия