Святой князь Владимир Киевский

Служба святому равноапостольному великому князю Владимиру, нареченному во святом крещении Василию

На Литургии

Блаженна от обою канонов: 1-го песнь 3-я, и 2-го песнь 6-я.

Во Царствии Твоем помяни нас, Господи, егда приидеши во Царствии Твоем.

Блажени нищии духом, яко тех есть Царство Небесное.

Блажени плачущии, яко тии утешатся.

Блажени кротции, яко тии наследят землю.

Блажени алчущии и жаждущии правды, яко тии насытятся.

Блажени милостивии, яко тии помиловани будут.

Утвердися сердце мое во Господе, вознесеся рог мой в Бозе моем, разширишася на враги моя уста моя, возвеселихся о спасении Твоем.

Блажени чистии сердцем, яко тии Бога узрят.

Яко труба богогласная, возгласи язык твой, блаженне, духовный, провозглашая всем концем земли Российския Христово правоверное крещение, имже просвещен быв, мир весь просветил еси.

Блажени миротворцы, яко тии сынове Божии нарекутся.

Сияет днесь, Владимире, преславная память твоя, юже празднуют христоименитии людие, тебе похваляя своего праотца, ихже к свету разумному привел еси.

Блажени изгнани правды ради, яко тех есть Царство Небесное.

Сень закона прейде рождеством Твоим, Богородице, благодати пришедши, Отчу Слову Христу Богу нашему: Егоже познав славный князь, церковь Твою светло украсил есть.

Блажени есте, егда поносят вам, и изженут, и рекут всяк зол глагол на вы лжуще Мене ради.

Силою Божиею попран есть сатана душегубец, и лестныя его жертвы: победника бо явил нам есть Христос, Владимира вернаго князя, сокрушити и поврещи того под ноги наша.

Радуйтеся и веселитеся, яко мзда ваша многа на небесех.

Спасе прежде Господь рукою Моисеовою Израиля от работы: Тойже и ныне рукою Владимира, вернаго князя, всех нас от лести идольския спасл есть.

Слава: Достойно ти взываем, и вопием вси: радуйся, всечестне преблаженне, тя бо избавителя с Богом, Владимире, имамы. Не презри рабов твоих, но присно сохраняй нас.

И ныне: Обретохом, Пречистая, Тобою спасение, Дево Препетая: Егоже желают ангели на небесех видети, Сей ныне видится в недрех Твоих Младенец, Бог наш.

Прокимен, глас 3: Пойте Богу нашему, пойте: пойте Цареви нашему, пойте. Стих: Вси языцы восплещите руками, воскликните Богу гласом радования.

Апостол к Галатом, зачало 200. [Гал. 1, 11–19.]

Братие, сказую вам благовествование благовещенное от мене, яко несть по человеку.

Братия, возвещаю вам, что Евангелие, которое я благовествовал, не есть человеческое,

Ни бо аз от человека приях е, ниже научихся: но явлением Иисус Христовым.

ибо и я принял его и научился не от человека, но через откровение Иисуса Христа.

Слышасте бо мое житие иногда в жидовстве, яко по премногу гоних Церковь Божию, и разрушах ю:

Вы слышали о моем прежнем образе жизни в Иудействе, что я жестоко гнал Церковь Божию, и опустошал ее,

И преспевах в жидовстве паче многих сверстник моих в роде моем, излиха ревнитель сый отеческих моих преданий.

и преуспевал в Иудействе более многих сверстников в роде моем, будучи неумеренным ревнителем отеческих моих преданий.

Егда же благоволи Бог, избравый мя от чрева матере моея, и призвавый благодатию Своею,

Когда же Бог, избравший меня от утробы матери моей и призвавший благодатью Своею, благоволил

Явити Сына Своего во мне, да благовествую Его во языцех: абие не приложихся плоти и крови,

открыть во мне Сына Своего, чтобы я благовествовал Его язычникам, — я не стал тогда же советоваться с плотью и кровью,

Ни взыдох во Иерусалим к предним мене апостолом: но идох во Аравию, и паки возвратихся в Дамаск.

и не пошел в Иерусалим к предшествовавшим мне Апостолам, а пошел в Аравию, и опять возвратился в Дамаск.

Потом же по триех летех взыдох во Иерусалим соглядати Петра, и пребых у него дний пятьнадесять.

Потом, спустя три года, ходил я в Иерусалим видеться с Петром и пробыл у него дней пятнадцать.

Иного же от апостол не видех, токмо Иакова брата Господня.

Другого же из Апостолов я не видел [никого], кроме Иакова, брата Господня.

Аллилуиа, глас 6: Вознесох избраннаго от людей Моих. Стих: Ибо рука Моя заступит его, и мышца Моя укрепит его.

Евангелие Иоанна, зачало 35, от полу. [Ин. 10, 1–9.]

Рече Господь ко пришедшим к Нему иудеем: Аминь аминь глаголю вам: не входяй дверьми во двор овчий, но прелазя инуде, той тать есть и разбойник.

Сказал Господь ко пришедшим к Нему иудеям: Истинно, истинно говорю вам: кто не дверью входит во двор овчий, но перелазит инуде, тот вор и разбойник;

А входяй дверьми, пастырь есть овцам.

а входящий дверью есть пастырь овцам.

Сему дверник отверзает, и овцы глас его слышат, и своя овцы глашает по имени, и изгонит их.

Ему придверник отворяет, и овцы слушаются голоса его, и он зовет своих овец по имени и выводит их.

И егда своя овцы ижденет, пред ними ходит, и овцы по нем идут, яко ведят глас его.

И когда выведет своих овец, идет перед ними; а овцы за ним идут, потому что знают голос его.

По чуждем же не идут, но бежат от него, яко не знают чуждаго гласа.

За чужим же не идут, но бегут от него, потому что не знают чужого голоса.

Сию притчу рече им Иисус: они же не разумеша, что бяше, яже глаголаша им.

Сию притчу сказал им Иисус; но они не поняли, что такое Он говорил им.

Рече же паки им Иисус: аминь аминь глаголю вам, яко Аз есмь дверь овцам.

Итак, опять Иисус сказал им: истинно, истинно говорю вам, что Я дверь овцам.

Вси, елико их прииде прежде Мене, татие суть и разбойницы: но не послушаша их овцы.

Все, сколько их ни приходило предо Мною, суть воры и разбойники; но овцы не послушали их.

Аз есмь дверь: Мною аще кто внидет, спасется: и внидет, и изыдет, и пажить обрящет.

Я есмь дверь: кто войдет Мною, тот спасется, и войдет, и выйдет, и пажить найдет.

Причастен: В память вечную будет праведник, от слуха зла не убоится.